धनगढी
२९ असोज, भारतको हरियाणा राज्यको नारनौलमा मनुमुक्त मेमोरियल ट्रष्टको आयोजनामा इन्डो नेपाल लघुकथा सम्मेलनमा नेपालका लघुकथाकार डा.पुष्कर भट्टलाई मनुमुक्त पुरस्कार प्रदान गरिएको छ ।

यस पटकदेखि स्थापना भएको पुरस्कार प्राप्त गर्ने पहिलो व्यक्ती भट्ट हुन । भट्ट
नेपाली लघुकथामा पहिलो विध्याबारीधी गर्ने व्यक्ती हुन । गोरखापत्र दैनिकमा डोटेली भाषाको नयाँ नेपाल पृष्ठ संयोजक एवम् नेपाल प्रज्ञा प्रतिष्ठानबाट प्रकाशित हुने समकालीन साहित्य पत्रिकाका कार्यकारी सम्पादक समेत हुन ।

अक्टोबर १३ मा भट्टलाई दोसल्ला र मायाको चिनोले सम्मान गरिएको थियो भने पुरस्कारको राशी रु. ११ हजार भारु रहेको छ ।

भारतका दशप्रान्त र नेपालका गरेर तीनदर्जन लघुकथाकारले यस सम्मेलनमा उपस्थिति रहेको थियो । हरियाणा कला परिषद्का निर्देशक अनिल कौशिकको अध्यक्षतामा सम्पन्नभएको सो सम्मेलनमा चौधरी बंसीलाल विश्वविद्यालय, भिवानीका रजिष्ट्रार डा. जीतेन्द्र भारद्वाज प्रमुख अतिथी थिए ।

२९ असोज २०७६, बुधवार १३:५५ बजे प्रकाशित