धनगढी,
२९ असोज
मोहना सिचाइ आयोजनाको काम सम्पन्न भइ खेतसम्म पानी पुगेपछि ओलानीका किसान खुशी भएका छन् । कैलालीस्थित गोदावरी नगरपालिका वडा नम्बर ११ ओलानीको मछेली खोलामा निर्माण भएको सिचाइ आयोजनाले किसानलाई खुशी बनाएको हो । सो आयोजना गत जेठमा सम्पन्न भएपछि सिचाइ समस्या भोग्दै आएका किसानको खेतमा सजिलै पानी पुगेको छ । मछेली खोलाको पानीले खेत सिँचाइ गर्न पाएपछि ओलानी र आसपासका किसान खुशी भएका छन् ।

मोहना सिँचाइ आयोजनाको काम सम्पन्न भई खेतसम्म पानी पुगेपछि ओलानीका किसान खुशी भएका हुन् । सिँचाइ सुविधा नहुँदा खेतीपाती गर्न समस्या भोगिरहेका ओलानीबासी अहिले भने खेतीपातीमा ब्यस्त छन् । सिँचाइ आयोजनाले कुलोमा पानी आएपछि यो वर्ष खेतीपाती गर्न निकै सहज भएको ओलानीका राजेशबहादुर बडैलाले बताए ।

वर्षा नहुँदासम्म खोलामा पानी बग्दैन । बर्खायाममामात्रै खोलामा पानी हुने गर्दछ । ओलानीवासीको मुख्य पेसा कृषि हो । विगतका वर्षहरुमा खेती गर्न सारै समस्या भएपनि यस वर्ष भने मोहना सिचाइ आयोजनाले गर्दा खेती लगाउन सहज भएको ओलानीका स्थानीयहरु बताउँनछन् । बर्षा नहुँदा पानी कम भएपनि बिगतभन्दा खेती गर्न सहज भएको ओलानीका पदम खड्काले बताए । चुरे फेदमा रहेको ओलानी सुगम जिल्लाको विकट ठाउँ हो, जहाँ खानेपानीको समेत हाहाकार रहेको छ । खानेपानी समस्या र सिँचाइ असुविधाले गर्दा ओलानीवासीको विगत निकै कष्टकर थियो । तर मछेली खोलाको पानी खेतसम्म पुगेपछि एउटा समस्याबाट छुटकारा मिलेको स्थानीय नवलकिशोर कडायतले बताए । सिँचाइ आयोजनाको पानीले जमिनमा सिचाई हुन थालेपछि अहिले धेरै सुविधा भएको उनले बताए ।

मोहना सिँचाइ आयोजनामार्फत मछेली खोलको पानी किसानको खेतसम्म पुगेको यो तेस्रो पटक हो । यसअघि, दुई पटक आयोजनाको पानी सो ठाउँमा आएको थियो । तर आयोजनाको बाँध भत्केपछि धेरै वर्षसम्म किसानले अकाशे पानीको भरमा खेती गर्न बाध्य भएका थिए । तेस्रो चरण अन्तर्गत पुनः नयाँ बाँध बनाइएपछि किसानले सिँचाइ गर्न पाएका छन् । २०७१ सालबाट तेस्रो चरण अन्तर्गत नयाँ बाँध निर्माण भइ गत जेठमा सम्पन्न भएको वडा नम्बर ११ का वडा अध्यक्ष शिवबहादुर बिकले बताए । नेपाल सरकारको ३७ करोड रुपियाँ लगानीमा तेस्रो चरणको बाँध बनाइएको छ । तेस्रो चरणको बाँधले ३ हजार २ सय हेक्टर जमिन सिञ्चित हुने लक्ष्य राखिए पनि हालसम्म २ हजार २ सय हेक्टर जमिनमामात्रै सिँचाइ सुविधा भएको वडा अध्यक्ष बिकले बताए । ओलानीका किसानहरु विगतका वर्षहरुमा खेती लगाउन समस्या हुने गरेको थियो । तर यस वर्ष भन्ने मोहना सिचाइ आयोजना बन्ने पछि सवै किसानको खेतमै सिचाइ सुविधा पुगेपछि त्यस ठाउका स्थानीयहरु हर्षित भएका छन् ।

२९ असोज २०७६, बुधवार ०४:४७ बजे प्रकाशित