धनगढीमा ट्याक्टर दुर्घटना हुँदा एक युवकको मृत्यु
धनगढी । धनगढीमा ट्याक्टर दुर्घटना हुँदा एक युवकको मृत्यु भएको छ ।
धनगढी उपमहानगरपालिका–१५ कनरीमा से १ त ९७५४ नम्बरको ट्याक्टरको पछाडिको टायर पड्किएर दुर्घटना हुँदा वडा नम्बर १३ कैलाली गाउँका २१ वर्षीय समीर रानाको मृत्यु भएको हो ।
शनिबार ट्याक्टर पल्टिँदा गम्भीर घाइते भएका उनको उपचारको क्रममा निसर्ग अस्पताल धनगढीमा मृत्यु भएको प्रहरीले जनाएको छ ।
घटना पछि प्रहरीले ट्याक्टर र चालक घोडाघोडी नगरपालिका—१० का २२ वर्षीय अविशेक चौधरीलाई नियन्त्रण लिएरु आवश्यक अनुसन्धान भइरहेको जनाएको छ ।
३० वैशाख २०८१, आइतवार १४:३२ बजे प्रकाशित
