कांग्रेसको प्रमुख सचेतकमा चित्रलेखा, मिन विश्वकर्मा सचेतक
नेपाली कांग्रेसको प्रमुख सचेतकमा चित्रखेला यादव र सचेतकमा मिन विश्वकर्मा मनोनीत भएका छन् ।
संसदीय दलका नेता शेरबहादुर देउवाले उनीहरूलाई मनोनीत गरेका हुन् ।
यादव कांग्रेस कोषाध्यक्ष हुन् भने विश्वकर्मा केन्द्रीय सदस्य छन् । यसअघि प्रमुख सचेतक रहेका बालकृष्ण खाण गृहमन्त्रीमा नियुक्त भएपछि सो ठाउँ रिक्त थियो ।
४ साउन २०७९, बुधवार १२:४९ बजे प्रकाशित
