नेकपा एकीकृत समाजवादीका नेता डा.दुमन सिंह थापाको निधन भएको छ। उनको आइतबार साँझ काठमाडौंमा निधन भएको हो।

अर्घाखाँची घर भएका डा.थापा एमालेका तर्फबाट संविधान सभा सदस्य निर्वाचित भएका थिए। उनी संविधान सभा २०७० को निर्वाचनमा अर्घाखाँची २ बाट निर्वाचित भएका थिए।

एमाले विभाजन भएपछि एकीकृत समाजवादीमा लागेका उनी पार्टीको केन्द्रीय निर्वाचन आयोग सदस्य रहेका थिए।

उनको निधनप्रति समवेदना प्रकट गर्दै एकीकृत समाजवादीका अध्यक्ष माधवकुमार नेपालले थापाको निधनले पार्टीलाई अपूरणीय क्षति भएको बताएका छन्।

१७ माघ २०७८, सोमवार ०९:०१ बजे प्रकाशित