सेती अस्पतालमा थप तीन जनामा कोरोना पुष्टि
सेती प्रादेशिक अस्पतालको प्रयोगशालामा गरिएको परिक्षणमा थप तीन जनामा कोरोना पुष्टि भएको छ ।
पछिल्लो २४ घण्टामा सात नमुना परिक्षण गर्दा थप तीन जनामा संक्रमण पुष्टि भएको अस्पतालका सुचना अधिकारी दिलीप कुमार श्रेष्ठले जानकारी दिए । यस्तै २४ घण्टामा एक जना कोरोना संक्रमित निको भई अस्पतालबाट डिस्चार्ज भएका छन् ।
हाल अस्पतालमा तीन जना संक्रमित विरामीको उपचार भइरहेको अस्पतालले जनाएको छ । जसमध्ये दुई जना विरामीको आइसियुमा उपचार हुँदैछ ।
२० कात्तिक २०७८, शनिवार १५:४५ बजे प्रकाशित
