पलिया । भारतको पलिया कला खीरीस्थित रामलीला मैदानमा रावण दहनपछि भव्य अवध सांस्कृतिक संध्याको आयोजना गरिएको छ। कार्यक्रममा अयोध्या धामबाट आएका कलाकारहरूले भगवान् श्रीरामको जीवनमा आधारित प्रस्तुति दिनुका साथै अवधी नृत्य तथा संगीत प्रस्तुत गरेका थिए।

अवधी नृत्य तथा संगीत कार्यक्रमको उद्घाटन प्रमुख अतिथि भाजपा नेता रवि गुप्ताले दीप प्रज्वलन गरेर गरेका थिए। कार्यक्रममा अयोध्या धामबाट आएका कलाकारहरूले भगवान् श्रीरामको जीवनसँग सम्बन्धित विभिन्न प्रस्तुति दिएका थिए। कलाकारहरूको प्रस्तुतिले दर्शकलाई आकर्षित गरेको थियो।

भरिएको रामलीला मैदानमा कलाकारहरूले अवधी सांस्कृतिक नृत्य तथा संगीत प्रस्तुत गर्दा उपस्थित हजारौँ भक्तजन थिए। कार्यक्रममा ‘जय श्रीराम’को उद्घोषले रामलीला मैदान भक्तिमय बनेको थियो।

सो अवसरमा रामलीला कमिटीका पदाधिकारीहरूले प्रमुख अतिथि भाजपा नेता रवि गुप्तालाई भव्य सम्मान गरेका थिए।

रामलीला कमिटीले पलियाको रामलीला मैदानमा धार्मिक तथा सांस्कृतिक कार्यक्रमहरू निरन्तर आयोजना गर्दै आएको छ। यस्ता कार्यक्रमले स्थानीय कला, संस्कृति र धार्मिक परम्पराको संरक्षण तथा प्रवर्द्धनमा योगदान पुर्‍याउने अपेक्षा गरिएको छ।

७ कात्तिक २०८३, शनिवार १०:३१ बजे प्रकाशित