पहिरोले साँफे-मार्तडी सडक अवरुद्ध
बाजुरा । लगातारको वर्षाका कारण पहिरो खस्दा साँफे–मार्तडी सडक अवरुद्ध भएको छ ।
जिल्लाको बडीमालिका नगरपालिका–६ नुनेपानीमा पहिरो खस्दा सडक अवरुद्ध भएको हो ।
अवरुद्ध सडक खुलाउने प्रयास भइरहेको जिल्ला प्रहरी कार्यालयका प्रहरी निरीक्षक रवीन्द्रसिंह कार्कीले बताए ।
एक महिनादेखि अवरुद्ध मार्तडी–कोल्टी सडक भने अझै खुल्न सकेको छैन । उक्त सडकमा पर्ने बाउली र अनाइ खोलामा पानीको सतह निरन्तर बढेको तथा बडीमालिका नगरपालिका–७ जिल्लीमा पहिरो खसेपछि सडक अवरुद्ध भएको हो ।
१६ साउन २०८१, बुधवार १३:१८ बजे प्रकाशित
