सुनको मूल्य आज पनि घट्यो, कति छ तोलाको ?
काठमाडौं । नेपाली बजारमा सुनको मूल्य आज पनि घटेको छ ।
सुन आज तोलामा एक हजार तीन सय रुपैयाँ घट्दै प्रतितोला एक लाख ४६ हजार दुई सय रुपैयाँमा कारोबार भइरहेको छ ।
सुन गएको शुक्रबार प्रतितोला एक लाख ४७ हजार पाँच सय रुपैयाँमा कारोबार भएको थियो ।
उक्त दिन पनि सुनको मूल्य अघिल्लो दिनको तुलनामा तोलामा दुई हजार रुपैयाँले घटेको थियो ।
त्यस्तै आज चाँदीको मूल्य पनि तोलामा २० रुपैयाँ घट्दै प्रतितोला एक हजार आठ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
६ साउन २०८१, आइतवार ११:०० बजे प्रकाशित
