नेपाली राष्ट्रिय क्रिकेट टोली आज केन्या प्रस्थान गर्ने भएका छन्। नेपाल क्रिकेट संघ (क्यान)ले नेपाली टोली आज दिउँसो केन्या प्रस्थान गर्ने जनाएको छ।

नेपाली टोली अपरान्ह ४ बजे केन्या प्रस्थान गर्ने छन्। त्यसअघि क्यानले नेपाली टोलीलाई बिदाइको कार्यक्रम राखेको छ। नेपालले केन्यासँग ५ खेलको टी-ट्वान्टी अन्तराष्ट्रिय र ३ खेलको एकदिवसीय सिरिज खेल्नेछ।

५ खेलको टी-ट्वान्टी सिरिज भदौ ९ बाट १४ गते सम्म हुनेछ। ३ खेलको एकदिवसीय सिरिज भने भदौ १७ बाट २० सम्म चल्नेछ। दुबै सिरिज नैरोवीस्थित जीमखाना मैदानमा हुनेछ। नेपाल र केन्याबीच सुरुआतमा ५ खेलको टी-ट्वान्टी सिरिज हुनेछ। त्यसपछि एकदिवसीय सिरिज हुनेछ।

६ भदौ २०७९, सोमवार ०९:४५ बजे प्रकाशित