बुढीगंगामा एमालेको विजयी सुरुवात, काँग्रेसलाई पराजित गर्दै एक वडा जित्यो
बाजुराको बुढीगंगामा नेकपा एमालेले विजयी सुरुवात गरेको छ। बुढीगंगा नगरपालिकाको वडा नम्बर १ को मतगणना सम्पन्न भएकोमा त्यहाँ एमालेका उम्मेदवार विजयी भएका हुन्। बुढीगंगा नगरपालिका-१ को वडाध्यक्षमा एमालेका उम्मेदवार रणबहादुर थापा विजयी भएको निर्वाचन अधिकृतको कार्यालयले जानकारी दिएको छ।
कार्यालयका अनुसार काँग्रेसका उम्मेदवार लोगबहादुर थापालाई पराजित गर्दै एमालेका थापा विजयी भएका छन्। एमालेका थापाले ३ सय ५३ मत ल्याएका छन् भने कांग्रेसका थापाले ३ सय १८ मत ल्याएका छन्।
१३ सय २६ मतदाता रहेको उक्त वडामा ८ सय ३१ मत खसेको थियो।
२४ असार २०७९, शुक्रवार २२:४० बजे प्रकाशित
