हिमपातका कारण भीमदत्त राजमार्ग अवरुद्ध
हिमपातका कारण सुदूरपश्चिम प्रदेशका सात पहाडी जिल्ला जोड्ने भीमदत्त राजमार्ग अवरुद्ध भएको छ। बिहीबारदेखिको लगातारको बाक्लो हिमपातका कारण राजमार्ग अवरुद्ध भएको हो ।
डडेल्धुराको साहुखर्क, बैतडीको सतबाझ, खोड्पे र अछामको चौखुट्टेमा राजमार्ग अवरुद्ध भएको प्रदेश ट्राफिक प्रहरी कार्यालय अत्तरियाले जनाएको छ।
त्यस्तै, बझाङ, बाजुरा, डोटी र दार्चुलामा पनि भारि वर्षाका साथै हिमपात भएको छ। वर्षा र हिमपात भएसँगै यहाँको जनजीवन प्रभावित भएको छ।
२१ माघ २०७८, शुक्रवार ०८:३९ बजे प्रकाशित
