नेपाली बजारमा मंगलबार सुनको भाउ घटेको छ।
नेपाल सुनचाँदी व्यवसायी महासंघका अनुसार सोमबारको तुलनामा सुनको भाउ प्रतितोला ९ सय रुपैयाँले घटेको हो।

महासंघका अनुसार छापावाल सुन प्रतितोला ९२ हजार २ सय रुपैयाँमा कारोबार भइरहेको छ भने तेजावी सुनको भाउ प्रतितोला ९१ हजार ७ सय रुपैयाँ पुगेको छ।

चाँदीको भाउ पनि मंगलबार प्रतितोला १० रुपैयाँले घटेको छ। यससँगै चाँदी प्रतितोला १२५० रुपैयाँमा कारोबार भइरहेको छ।

२० पुस २०७८, मंगलवार १२:१५ बजे प्रकाशित