तापक्रम घट्दै जाँदा देशभर चिसो बढ्दै गएको छ । आज न्यूनतम तापक्रम ४ दशमलव ६ डिग्री सेल्सियस मापन भएको जल तथा मौसम विज्ञान विभागको मौसम पूर्वानुमान महाशाखाले जनाएको छ।

काठमाडौं उपत्यकाको हिजोको तापक्रम ४ दशमलव ८ डिग्री सेल्सियसमा मापन भएको थियो। जुम्ला, जिरी, मनाङ लगायत केही हिमाली जिल्लाको तापक्रम माइनसमा झर्दा जनजीवन कष्टकर बनेको छ।

आज पनि मौसम सफा रहने भएकाले तापक्रम थप घट्न सक्ने महाशाखाले अनुमान गरेको छ। बुधबार बिहान देशका अधिकांश पहाडी भेगको मौसम आंशिकदेखि सामान्य बदली रहेको मौसम पूर्वानुमान महाशाखाले जनाएको छ।

तराईका धेरै जसो भू–भागमा हुस्सु र कुहिरो लागेको मौसमविद् मञ्जु बासीले जानकारी दिइन् ।

२९ मंसिर २०७८, बुधवार ०८:४१ बजे प्रकाशित