आफ्नो १४औं महाधिवेशनअन्तर्गत नेपाली कांग्रेसले वडा अधिवेशन गर्न बाँकी १३ जिल्लामा यही कात्तिक २७ गते वडा अधिवेशन गर्दै छ।क्रियाशील सदस्यता विवादका कारण देशभर अन्य वडामा अविधेशन सकिए पनि प्रदेश नम्बर २ का आठै जिल्ला, कैलाली, डोल्पा, बाँके, सुर्खेत र रसुवामा वडा अधिवेशन गर्न बाँकी बसेको हो।

ती जिल्लामा यही कात्तिक २७ गते वडा अधिवेशन गर्न निर्वाचिन अधिकृत तोकिएको कांग्रेसको केन्द्रीय निर्वाचन समितिले जनाएको छ।

उसका अनुसार प्रदेश २ का जिल्लाहरू पर्सामा नरेन्द्र केसी, बारामा ज्ञानेन्द्रपसाद अधिकारी, रौतहटमा दीपकराज गिरी, सर्लाहीमा विनोद कार्की, महोत्तरीमा इन्द्र अधिकारी, धनुषामा अरुण ज्ञवाली, सप्तरीमा डा. रुद्र शर्मा र सिराहामा सन्जीव लामालाई निर्वाचन अधिकृतको जिम्मेवारी दिइएको हो।

यसैगरी कैलालीमा टेकप्रसाद सुवेदी, बाँकेमा रेवतीरमण भट्टराई, सुर्खेतमा मदन रेग्मी, रसुवामा सुमनकुमार केसी र डोल्पामा कुमारराज श्रेष्ठलाई निर्वाचन अधिकृत बनाइएको कांग्रेसको केन्द्रीय निर्वाचन समितिले जनाएको छ।उनीहरू आज कात्तिक २२ सम्म तोकिएका जिल्लामा पुगिसक्ने जनाइएको छ।

२२ कात्तिक २०७८, सोमवार १२:४८ बजे प्रकाशित