ट्रक पल्टिँदा १६ मजदुरको मृत्यु
भारतको महाराष्ट्रमा ट्रकले पल्टिँदा १६ जना मजदुरको मृत्यु भएको छ।
जालगाउँ जिल्लामा भएको दुर्घटनामा परी मृत्यु हुनेमा अभोदा, केरहाला र राभेरका मजदुर रहेको बताइएको छ।
किनगाउँको मन्दिरनजिकै आइतबार मध्यरातमा ट्रक पल्टिएको हो।
दुर्घटनामा पाँच मजदुरहरू बाँचेका छन्। उनीहरूको स्थानीय अस्पतालमा उपचार भइरहेको भारतीय मिडियाले जनाएको छ । मजदुरहरू मेवा बोकेको ट्रकमा चढेका थिए। भारतीय प्रधानमन्त्री नरेन्द्र मोदीले घटनामा दु ःख मनाउ गर्दै ज्यान गुमाएकाका आफन्तमा समवेदना व्यक्त गरेका छन्। एजेन्सीको सहयोगबाट
३ फागुन २०७७, सोमवार १०:५२ बजे प्रकाशित
