कञ्चनपुर,वैशाख ८। कञ्चनपुरको शुक्लाफाटा नगरपालिका को वडा नम्बर १० मा पनि खाद्यान्न सामाग्री बितरण गरिएको छ ।

सोमबार श्री कृष्ण माध्यमिक बिद्यालय झलारीमा शुक्लाफाटा नगरपालिका वडा नम्बर १० का दैनिक ज्यालादारी गरि जिबिकोपार्जन गर्ने मजदुर,बिपन्न परिवार लगायत १ सय परिवार लाई पहिलो चरणमा खाद्यान्न सामाग्री बितरण गरिएको हो ।

बितरण गरिएको खाद्यान्न सामाग्रीमा प्रती परिवार ३०केजी चामल,३ केजी दाल,२ केजी नुन ,२ लिटर खाने तेल,२केजी चिनी र प्रति परिवार ४्४ पिस साबुन बितरण गरिएको वडा अध्यक्ष लाल बहादुर ऐर ले जानकारी गराएका छन।

राहत बितरण कार्यविधि २०७६ अनुसार नै बितरण गरिएको वडा अध्यक्ष ऐरले बताए ।

खाद्यान्न सामाग्री बितरण गर्दा शुक्लाफाटा नगरपालिकाका नगरप्रमुख दिल बहादुर ऐर , नगर उपप्रमुख तुलसी हमाल , शुक्लाफाटा नगरपालिकाका प्रमुख प्रशासकीय अधिकृत बिशन सिंह थापा लगाएत जनप्रतिनिधिहरुको उपस्थिति रहेको थियो ।

पहिलो चरण अन्तर्गत खल्ला बस्तिमा १ सय परिवार लाई खाद्यान्न सामाग्री बितरण गरिएको र अब आर्को चरणमा बाकी ३ सय गरिब बिपन्न परिवार लाई खाद्यान्न सामाग्री बितरण गरिने वडा अध्यक्ष लाल बहादुर ऐरले बताए ।

८ वैशाख २०७७, सोमवार ०६:२६ बजे प्रकाशित