विश्वमा महामारिको रुपमा फैलिरहेको कोरोना भाईरसबाट बच्न व्यक्तिगत सरसफाइमा ध्यानमा राख्दै डोटीको जोरायल गाउपालीकाकोे स्वास्थ्य शाखाले सचेतना अभियान सञ्चालन सुरु गर्ने भएको छ । ‘एक घर एक साबुन’ को लक्ष्यका साथ सचेतना अभियान सगै साबुन समेत बितरण गर्ने जनाएको छ ।

सचेतना अभियानका लागि युवाहरूले विभिन्न व्यक्तिको व्यक्तिगत सहयोगबाट जुटेको रकमबाट ८ सय ६४ पिस साबुन मंगलबार नै जोरायल गा.पा.स्वास्थ्य शाखाका प्रमुख नन्द देउवालाई हस्तान्तरण गरेका छन भने बाकी ६ सय ७३ साबुन बुधवार जोरायल गा.पा.मा रहेका स्वास्थ्य केन्द्रहरूलाई हस्तान्तरण गरिन जनाएको छ ।

३ हजार ८सय ३ घरधुरी रहेको जोरायल गा.पा.मा स्वास्थ्य शाखाले सचेतनासहित साबुन वितरणमा स्वास्थ्यकर्मी र स्वास्थ्य स्वयमसेविका समेत परिचालन गर्ने भएको छ । यता गा.पा अध्यक्ष दुर्गा ओझाले कोरोनाको जोखिमबाट बच्न गरेको पूर्व तयारी र्सहानीय भएको बताए ।

उनले गाउपालीकामा आवश्यक तयारीमा भईरहेको समेत बताए । त्यसैगरी स्वास्थ्य शाखालाई कोरोनाको चेकजाँचका लागि आवश्यक पर्ने सामग्रीहरू खरिद गरी घुम्ती शिविर पनि सञ्चालन गर्न निर्देशन दिइसकेको बताए ।

११ चैत २०७६, मंगलवार ११:२२ बजे प्रकाशित