बझाङ : बझाङमा जीप दुर्घटना हुँदा गाँउपालिकाकी उपाध्यक्ष पाउसरा थापा सहित ९ जना घाईते भएका छन् । जिल्लाको खप्तडछान्ना गाउँपालिकाको महेश्वरी माविमा आज देखी सुरु हुन लागेको राष्ट्रपति रनिङ शिल्ड तथा अध्यक्ष कपको उद्घाटन समारोहमा सहभागी हुन जाने क्रममा लामाखेतमा जीप दुर्घटनामा परेको हो ।

०१००१ ज १२२० नम्बरको जीप पल्टिँदा दुई जना गम्भिर घाइते भएको प्रहरीले जनाएको छ ।अन्यको अवस्था सामान्य रहेपनि नरेन्द्र उपाध्याय र सुमन विक भने गम्भीर घाइते भएका छन् ।

प्रहरी चौकी छान्नाका ईन्चार्ज भुवन सिंह बोहराका अनुसार जीपमा झण्डै १२ १३ जना सवार रहेका र अधिकांस विद्यार्थी रहेका छन् । गाउँपालिकाकी उपाध्यक्षको अवस्था भने समान्य रहेको बताइएको छ । घाइते सबैलाई उपचारका लागि जिल्ला अस्पतालमा उपचार भईरहेको छ ।

८ फागुन २०७६, बिहीवार ०८:५१ बजे प्रकाशित