कोरोना भाइरस : चीनमा रहेका नेपालीलाई आज स्वदेश ल्याइँदै

काठमाण्डौ : सरकारले शनिबार चीनको हुवेई प्रान्तबाट स्वदेश फर्कन चाहने नेपालीलाई नेपाल ल्याउने भएको छ । चीनको हुवेई प्रान्तको विभिन्न शहरबाट नेपाल फर्कने विद्यार्थीलाई नेपाल वायुसेवा निगमको (नेपाल एयरलाइन्स)को वाइडबडी ए–३३० जहाजमार्फत आज दिउँसो स्वदेश ल्याइने जनाइएको छ ।

चीनमा रहेको नेपाली लिन शनिबार अपरान्ह २:४५ बजे निगमको वाइडबडी जहाज चीन उड्ने जनाइएको छ । चीन गएको उक्त जहाज अवतरण गरेपछि ४८ घण्टासम्म अन्य स्थानमा उडान गर्न नमिल्ने जनाइएको छ ।

अहिले चीनमा कोरोना भाइरसबाट ज्यान जानेको संख्या १५ सय भन्दा बढी पुगेको छ । यस भाइरसका कारण अहिले बिश्व नै त्रसित बनेको छ । कोरोना भाइरसकै बारण त्रसित बनेका हुवेई प्रान्तको विभिन्न शहरका नेपाली विद्यार्थीलाई आज जहाजमार्फत नेपाल ल्याउन लागिएको हो ।


३ फागुन २०७६, शनिवार ०२:३६ बजे प्रकाशित

प्रतिक्रिया दिनुहोस्

सम्बन्धित शीर्षकहरु