बुवाको सम्झनामा विद्यार्थीलाई पोसाक र शैक्षिक सामग्री वितरण
बैतडी : बुवाको सम्झनामा बैतडीको सुर्नयाको गाउँपालिका ५ को रौलेश्वर माध्यमिक विद्यालयका बालबालिकालाई पोसाक र कापीकलम वितरण गरिएको छ ।
बुवा गणेश मडैको सम्झनामा छोराहरू मोहन मडै, लक्ष्मी मडै, रिजन मडै र मुना मडैले उक्त विद्यालयमा कक्षा १ देखि १० सम्म अध्ययनरत आमाबुवा गुमाएका ४० जना बालबालिकालाई पोसाक र कापीकलम वितरण गरेका हुन् ।
स्वर्गीय बुबाको सम्झनामा जेठा छोरा मोहन केही वर्षदेखि नियमित रूपमा सरस्वती पूजाको अवसरमा विभिन्न सामग्री वितरण गर्दै आएका छन् । विद्यालयमा बिहीबार आयोजित कार्यक्रममा स्वर्गीय मडैका श्रीमती जयमतीले प्रधानाध्यापकमार्फत् विद्यार्थीलाई पोसाक र शैक्षिक सामग्री वितरण गरेकी हुन् ।
१६ माघ २०७६, बिहीवार ०९:४६ बजे प्रकाशित
