नेपाली कांगेसका महासमिति सदस्य एंव सुदूरपश्चिम प्रदेश सरकारका सामाजिक बिकास राज्यमन्त्री टेक बहादुर रैका ले सुदूरपश्चिमको मुख्य चाडपर्व,परम्परा, भाषा,कला संस्कृति नै प्रदेशको पहिचान भएको बताएका छन् ।

सुदूरपश्चिमको कैलाली र कंचनपुरमा बसोबास गर्ने रानाथारु समुदायको पर्व तीज को अवसरमा आईतबार शुभकामना सन्देश दिनु हुँदै राज्यमन्त्री रैका उक्त कुरा बताएका हुन् । सन्देशमा राज्यमन्त्री रैका ले सुदूरपश्चिममा मनाईने सबै समुदायको मुख्य पर्वहरु र संस्कृतिको संरक्षण, सम्बर्द्धन र बिकासमा प्रदेश सरकारले सहयोग र सहकार्य गर्ने बताए ।

उनले राना समुदायको विशेष पहिचान संस्कृति र परम्पराहरुको संरक्षणमा समेत आफूले सहयोग गर्ने बताए । रानाथारु समुदायको छुट्टै बिशेषता बोकेको तीज अन्य समुदायको भन्दा फरक तरिकाले रानाथारु समुदायका दिदी बहिनीले मनाउने गर्दछ्न।

यो पर्व बिशेषगरी रानाथारु दिदीबहिनीहरुले आफ्नो भाइ भतिजाको लामो दिर्घायुको लागि व्रत बस्ने गर्दछ्न । तीजमा १५ दिन अगाडि देखि डोला अर्थात पिङ हालेर दिदिबहिनीहरु आफनै मौलिकता विशेषको गीत गाएर पिङ खेल्दै मनाउने गरिएको राना थारु समाजका अगुवा नन्दलाल रानाले बताइन् ।

१५ साउन २०७९, आइतवार १२:५१ बजे प्रकाशित