बाजुरा जाँदै गरेको बस डोटीमा दुर्घटना, ३० जना घाइते
कैलालीबाट बाजुरा जाँदै गरेको बस डोटीमा दुर्घटना भएको छ। बिहीबार आज बिहान करिब ५ बजेतिर डोटीको पूर्वीचौकी गाउँपालिका-४ सानागाउँमा सुपप्र ०१ ००१ ख ३१०८ नम्बरको बस दुर्घटना भएको प्रहरीले बताएको छ।
जिल्ला प्रहरी कार्यालय डोटीका अनुसार दुर्घटनामा बसमा सवार ३० जना घाइते भएका छन्।
घाइतेमध्ये ६ जनालाई जिल्ला अस्पताल डोटी पुराएर उपचार भइरहेको छ । अन्य घाइतेहरूको अवस्था सामान्य रहेको छ ।
प्रहरी उपरीक्षक शारदाप्रसाद चौधरीका अनुसार बस सडकबाट करिब २० मिटर तल खसेको छ ।
२९ वैशाख २०७९, बिहीवार ०८:२४ बजे प्रकाशित
