नेकपा एमालेको केन्द्रीय कमिटी बैठक जारी छ। ललितपुरको च्यासलस्थित तुल्सीलाल प्रतिष्ठान भवन च्यासलमा बैठक केही बेर अघि सुरू भएको हो।

बैठकमा विधान महाधिवेशनको राजनीतिक प्रतिवेदन, संगठनात्मक प्रस्ताव र विधान संशोधन प्रस्तावमाथि छलफल हुने नेकपा एमालेका कार्यालय सचिव शेरबहादुर तामाङले जानकारी दिए।

बैठकमा अध्यक्ष केपी ओलीले राजनीतिक प्रतिवेदन, महासचिव ईश्वर पोखरेलले सांगठानिक प्रतिवेदन र उपमहासचिव विष्णु पौडेलले विधान संशोधन प्रस्ताव प्रस्तुत गर्नेछन् ।

यी प्रस्तावहरु छलफल गरी पारित गरिनेछ । नेकपा एमालेको विधान महाधिवेशन यही असोज १५ देखि १७ सम्म काठमाडौंमा आयोजना हुँदैछ ।

८ असोज २०७८, शुक्रवार १३:१४ बजे प्रकाशित