कोरोना संक्रमण बढेपछि भारतले कोरोना बिरुद्धको खोप निर्यातमाथि रोक लगाएको छ ।

स्वदेशमै खोप आवश्यक पर्ने भन्दै भारतले निर्यातमा रोक लगाएको जनाएको छ ।

भारतको खोप निर्माता सीरम इंस्टिच्युटले बेलायत र ब्राजिलका लागि खोप निर्यातमा ढिलाई गरिरहेकै बेला भारतको यो निर्णयले विश्वका कयौं राष्ट्रहरु प्रभावित हुने भएका छन् ।

भारतले अक्सफोर्ड–एस्ट्राजेनेका खोप हालसम्म ७६ राष्ट्रहरुमा ६ करोड खोप उपलब्ध गराइसकेको छ ।

भारतमा एकैदिन ४७ हजार कोरोना संक्रमित हुँदा २ सय ७५ जनाको मृत्यु भएपछि भारत सरकार कोरोना नियन्त्रणको उपाय अवलम्बन तर्फ लागेको छ ।

भारतमा आगामी अप्रीलदेखि ४५ बर्ष भन्दा माथिका उमेर समुहका ब्यक्तिहरुलाई खोप लगाउने कार्यक्रम तय गरिएको छ ।

भारतको यो निर्णयसँगै नेपालले भारतबाट खरिद गरेको १० लाख डोज खोप पनि नआउने भएको छ । खोप नआउने भएपछि दोस्रो चरणको खोप कार्यक्रम प्रभावित हुने भएको छ ।

१२ चैत २०७७, बिहीवार ०८:१८ बजे प्रकाशित