सुदूरपश्चिममा सोमबार थप १२१ जनामा कोरोना भाइरसको संक्रमण पुष्टि भएको छ।स्वास्थ्य निर्देशनालय दीपायलले सार्वजनिक गरेको तथ्यांकअनुसार ९६७ जनाको नमुना एन्टिजेन विधि र ७७ जनाको नमुना पीसीआर विधिबाट परीक्षण गर्दा १२१ जनामा संक्रमण फेला परेको हो।

सेती प्रादेशिक अस्पतालमा ६७ नमुनालाई पीसीआर परीक्षण गर्दा २२ जना र डडेल्धुराको डडेल्धुरा अस्पतालमा ८ नमुना परीक्षण गर्दा २ जनामा संक्रमण फेला परेको निर्देशनालयले जनाएको छ।

कञ्चनपुरमा ७९८ नमुना ऐन्टिजेन विधिबाट परीक्षण गर्दा ७४ जना, कैलालीमा २९३ नमुना परीक्षण गर्दा १९, बैतडीमा १३ नमुना परीक्षण गर्दा १ र बझाङमा ३ नमुना परीक्षण गर्दा २ जनामा कोरोना भेटिएको छ। हाल सेती अस्पतालमा १० जना कोरोना संक्रमितको उपचार भइरहेको छ। आज ४ जना कोरोनामुक्त भएका छन् ।

२३ साउन २०७९, सोमवार २२:१३ बजे प्रकाशित