नेकपा (प्रचण्ड–नेपाल) समूहको सुदूरपश्चिम प्रदेश अध्यक्षमा मनोनित भएका भानुभक्त जोशीले आइतबार पदभार ग्रहण गरेका छन् ।

नेकपा विभाजन पूर्व प्रदेश अध्यक्ष रहेका कर्ण थापा नेकपा ओली समूहमा लागेपछि प्रदेश सह–इन्चार्ज रहेका जोशीलाई प्रचण्ड–नेपाल समूहले अध्यक्षमा मनोनित गरेको थियो । माघ १७ गते धनगढीमा आयोजित सो समूूहको जनसभाको अवसरमा अध्यक्षद्वय प्रचण्ड र नेपालले जोशीलाई अध्यक्षको जिम्मेवारी दिएको प्रदेश सचिव नेपबहादुर चौधरीले जानकारी दिए ।

प्रदेश अध्यक्ष जोशीले आइतबार एक विज्ञप्ती जारी गर्दै जनसभामा सहभागीहरुलाई धन्यवाद ज्ञापनसमेत गरेका छन् । शनिबार धनगढीमा भएको विरोधसभा अध्यक्ष जोशीकै अध्यक्षमा सम्पन्न भएको थियो ।

१८ माघ २०७७, आइतवार १७:४१ बजे प्रकाशित