धनगढी। नेपाली कांग्रेसका निवर्तमान सभापति एवं पूर्वप्रधानमन्त्री शेरबहादुर देउवाको गृहजिल्ला डडेल्धुरामा रास्वपाले अग्रता लिएको छ ।

देउवाले निरन्तर चुनाव जितेको क्षेत्रमा उनी यसपटक उम्मेदवार छैनन् । कांग्रेसका उम्मेदवार नैनसिंह महर तेस्रो नम्बरमा छन् ।
कूल २,६०० मत गणना हुँदा रास्वपाका डा. ताराप्रसाद जोशीले १,०५२ मत प्राप्त गर्दै अग्रता कायम राखेका छन् । निकटतम् प्रतिस्पर्धी नेकपाका मानसिंह माल ५३० मत प्राप्त गर्दै दोस्रो स्थानमा छन् ।

नेपाली कांग्रेसका नैनसिंह महरले ५०८ मत पाउँदा नेकपा एमालेका उम्मेदवार चक्रप्रसाद स्नेही ३१७ मतसहित चौथो स्थानमा रहेका छन् ।

अहिलेसम्म १४७ मत बदर भएको निर्वाचन अधिकृतको कार्यालयले जनाएको छ ।

२२ फागुन २०८२, शुक्रवार १३:५६ बजे प्रकाशित