केही दिनअघि लगातारजसो घटेको सुनको भाउ आज फेरि बढेको छ । आज तोलामा ३ सय रुपैयाँले बढेर सुनको भाउ ८९ हजार ७ सय रुपैयाँमा पुगेको छ ।

अन्तर्राष्ट्रिय बजार अस्थिर भएकाले सुनको भाउ बढेको नेपाल सुनचाँदी व्यवसायी महासङ्घका पूर्व अध्यक्ष तेजरत्न शाक्यले बताए । उनक अनुसार भाउ बढ्नुमा अस्थिर बजार नै मुख्य कारण भएको जनाएको छ ।

बजार अस्थिर भइरहेकाले अब भाउ घट्ने या बढ्ने यसै भन्न नसकिने उनको भनाइ छ । आज चाँदीको भाउ भने थोरैले घटेको छ । तोलामा ५ रुपैयाँले घटेर चाँदी ११ सय ८५ रुपैयाँमा कारोबार भइरहेको छ ।

२९ साउन २०७८, शुक्रवार १४:१४ बजे प्रकाशित